V.Y.Axundov adına Elmi-Tədqiqat Tibbi Profilaktika İnstitutu 1922-ci ildə Azərbaycanda ilk elmi-tədqiqat institutu olaraq yaradılmış və 100 ildən artıqdır ki, fəaliyyətinə davam etməkdədir. İkinci dünya müharibəsi illərində SSRİ-ni peyvəndlə təmin edən yeganə institut olmuş və uzun illər infeksion xəstəliklərlə mübarizədə mühüm işlər görmüşdür. İnstitut Respublikada bakterial, virus, göbələk və parazitar mənşəli yoluxucu xəstəliklərin elmi əsaslandırılmış diaqnostika, müalicə və profilaktika üsullarının işlənilib hazırlanması və tətbiq edilməsini həyata keçirən elmi-metodik mərkəzdir.

İnstitut elmi və klinik hissədən ibarətdir. Elmi hissədə müxtəlif etiologiyalı yoluxucu xəstəliklərin diaqnostika və müalicə üsullarının elmi araşdırmalarla təkmilləşdirilməsi, eləcə də bu infeksiyaların profilaktikası və yayılmasının qarşısının alınması üçün eksepidemik tədbirlərin hazırlanması və həyata keçirilməsi əsas fəaliyyət istiqamətlərimizdəndir. Əsas məqsədlərimiz infeksion xəstəliklərin düzgün idarə olunması və fərdiləşdirilmiş terapiyaların hazırlanmasıdır.

Hədəfimiz sağlamlığınızı qoruyaraq, həyat keyfiyyətinizi yaxşılaşdırmaq və sizlərə yüksək keyfiyyətli xidmət göstərərək sağlamlığınız üçün ilk və ən doğru seçim olmaqla regionun ilk səhiyyə şəbəkəsi halına gəlməkdir.

Prof. Dr. Adil M. Allahverdiyev
Direktor